بیجنگ (شِنہوا) چین کے دارالحکومت بیجنگ میں جمعہ کے روز شیانگ شان فورم کی تیاری کے حوالے سے اجلاس ہوا جس میں 120 سے زائد دفاعی حکام، ماہرین اور 40 سے زیادہ ممالک اور بین الاقوامی تنظیموں کے نمائندوں نے بین الاقوامی اور علاقائی سلامتی کے اہم مسائل اور عالمی نظم و نسق کے مستقبل پر غور کیا۔یہ اجلاس چائنہ ایسوسی ایشن فار ملٹری سائنس اور چائنہ انسٹی ٹیوٹ فار انٹرنیشنل سٹریٹجک سٹڈی کے اشتراک سے منعقد کیا گیا اور یہ اس سال خزاں میں ہونے والے بیجنگ شیانگ شان فورم کی پیشگی سرگرمی ہے۔دو روزہ اجلاس کے دوران برازیل، جرمنی، فرانس، روس اور دیگر ممالک کے شرکاء بین الاقوامی نظام اور قانون کی بالادستی، ایشیا بحرالکاہل میں سلامتی کے ابھرتے ہوئے مسائل، عالمی سلامتی کی مشترکہ ذمہ داری اور نئی ٹیکنالوجیز کے عسکری استعمال سے پیدا ہونے والے خطرات اور ان کی نظم و نسق پر گول میز مباحثے کریں گے۔اس سال بیجنگ شیانگ شان فورم کی 20 ویں سالگرہ بھی منائی جا رہی ہے۔ اس موقع پر ایک خصوصی یادگاری نشست بھی منعقد کی جائے گی جس میں دنیا بھر کے دفاعی اور سلامتی کے ماہرین فورم کے کردار کا جائزہ لیں گے کہ یہ کس طرح مکالمے کو فروغ دینے، اتفاق رائے پیدا کرنے اور اختلافات کم کرنے میں مددگار رہا ہے۔