ممبئی (نیشنل ٹائمز) بالی ووڈ سپر سٹار اداکار عامر خان نے اپنی گرل فرینڈ گوری سپراٹ کے ساتھ تعلق پر بات کرتے ہوئے کہا ہے کہ میں اب خود کو مکمل محسوس کرتا ہوں۔بھارتی میڈیا کو دیے گئے ایک انٹرویو میں عامر خان نے کہا کہ میں خود کو خوش قسمت سمجھتا ہوں کہ گوری میری زندگی میں آئیں، میری ملاقات ان سے ہوئی، وہ بہت اچھی ہیں اور میں ان کے ساتھ سکون محسوس کرتا ہوں، آج میں خود کو مکمل محسوس کرتا ہوں۔انہوں نے اپنی سابقہ شادیوں کا ذکر کرتے ہوئے کہا کہ کرن را اور رینا دتہ کے ساتھ بھی میرے تعلقات گہرے تھے، تاہم وہ کامیاب نہ ہو سکے۔اداکار نے اس گفتگو میں اپنے بچوں آئرہ خان اور جنید خان کے ساتھ قریبی تعلق برقرار نہ رکھ پانے پر افسوس کا اظہار بھی کیا ہے۔