اسلام آباد (نیشنل ٹائمز): پاکستان ٹیلی کمیونیکیشن کمپنی لمیٹڈ (پی ٹی سی ایل) نے اعلان کیا ہے کہ سب میرین کیبل میں پیدا ہونے والی خرابی کو دور کرنے کے لیے بین الاقوامی کیبل کنسورشیم کے تحت مرمتی کام 14 اپریل 2026 سے شروع ہو کر 20 اپریل 2026 تک جاری رہے گا۔

پی ٹی سی ایل کے مطابق مرمت کے دوران خاص طور پر شام کے اوقات میں صارفین کو انٹرنیٹ کی رفتار میں کمی یا عارضی تعطل کا سامنا کرنا پڑ سکتا ہے۔

کمپنی کا کہنا ہے کہ یہ کام عالمی سطح پر تکنیکی مسئلے کے حل کے لیے کیا جا رہا ہے، جبکہ سروس کو بہتر بنانے کے لیے متبادل اقدامات بھی کیے جا رہے ہیں۔ پی ٹی سی ایل نے ممکنہ پریشانی پر صارفین سے معذرت بھی کی ہے۔