اسلام آباد: آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں کمی سے متعلق زیرِ گردش خبروں کی تردید کرتے ہوئے انہیں افواہیں قرار دے دیا ہے۔

اوگرا کے ترجمان کے مطابق حکومت کی جانب سے پیٹرولیم قیمتوں میں کسی بھی قسم کی تبدیلی کا کوئی باضابطہ اعلامیہ جاری نہیں کیا گیا۔ انہوں نے واضح کیا کہ غیر مصدقہ اطلاعات پھیلانے سے اجتناب کیا جائے۔

ترجمان نے میڈیا اور عوام سے اپیل کی کہ پیٹرولیم قیمتوں سے متعلق خبریں نشر یا شیئر کرنے سے قبل ان کی تصدیق ضرور کی جائے تاکہ غلط معلومات کے پھیلاؤ کو روکا جا سکے۔

اوگرا نے مزید کہا کہ جب تک حکومت کی طرف سے باقاعدہ اعلان سامنے نہیں آتا، قیمتوں میں رد و بدل کی تمام خبریں بے بنیاد ہیں اور اس سلسلے میں کوئی پریس ریلیز بھی جاری نہیں کی گئی۔