اسلام آباد (شِنہوا) وزیراعظم شہباز شریف نے اعلان کیا ہے کہ ایران اور امریکہ کے درمیان ان کے اتحادیوں سمیت فوری جنگ بندی پر اتفاق ہو گیا ہے اور اس کا اطلاق لبنان سمیت “ہر جگہ” ہوگا۔
شہباز شریف نے ایکس پر ایک بیان میں لکھا کہ جنگ بندی فوری طور پر نافذ ہو گئی ہے۔
انہوں نے کہا کہ میں اس دانشمندانہ اقدام کا دل سے خیرمقدم کرتا ہوں اور دونوں ممالک کی قیادت کا تہہ دل سے شکر گزار ہوں اور ان کے وفود کو جمعہ، 10 اپریل 2026 کو اسلام آباد آنے کی دعوت دیتا ہوں تاکہ تمام تنازعات کے حتمی حل کے لئے مزید مذاکرات کئے جا سکیں۔
وزیر اعظم نے کہا کہ فریقین نے “غیر معمولی دانشمندی اور فہم و فراست” کا مظاہرہ کیا ہے اور اس امید کا اظہار کیا کہ “اسلام آباد مذاکرات” پائیدار امن کا باعث بنیں گے۔