لاہور(نیشنل ٹائمز) وزیراعلیٰ مریم نواز شریف کے حکم پرلیڈی ولنگڈن ہسپتال کے مبینہ ویڈیو سکینڈل پر محکمہ صحت نے پیڈا ایکٹ کے تحت سخت کارروائی کا آغاز کر دیا ہے اورمریم نواز کے سخت نوٹس پر محکمہ صحت نے ذمہ دارسینئر انتظامی افسروں کو شوکاز نوٹس جاری کر دئیے ہیں۔ 5 پوسٹ گریجوایٹ ڈاکٹروں کیلئے خلاف پی ایم ڈی سی کو بھی خط لکھ دیاگیا ۔ لیڈی ولنگڈن ویڈیو کیس میں پاکستان میڈیکل اینڈ ڈینٹل کونسل کوبھی 5 ڈاکٹروں کیخلاف انضباطی کارروائی کیلئے باضابطہ لیٹر جاری کر دیا گیا ۔ وزیراعلیٰ کی ہدایت پر محکمہ صحت دوران آپریشن مریضہ کی ویڈیو بنانے پر ڈاکٹرطیبہ،ڈاکٹر ماہم،ڈاکٹرزینب،ڈاکٹرعائشہ اورڈاکٹر عیسیٰ کیخلاف کارروائی کرے گا۔ محکمہ سپیشلائزڈ ہیلتھ کیئر اینڈ میڈیکل ایجوکیشن کی طرف سے سابق ایم ایس،سینئر کنسلٹنٹ،سینئر رجسٹرار،سینئر میڈیکل آفیسر اورہیڈ آف ڈیپارٹمنٹ کو باضابطہ شوکاز نوٹس جاری کیاگیا ہے ۔سابق ایم ایس ڈاکٹر فرح،ایچ او ڈی ڈاکٹر عظمیٰ،سینئرکنسلٹنٹ اینستھیزیا ڈاکٹرمنیر، سینئر رجسٹرار ڈاکٹرروطابہ،سینئر رجسٹرار ڈاکٹر منزہ،سینئر ویمن میڈیکل آفیسر ڈاکٹر در ارم کے خلاف پیڈا ایکٹ کے تحت کارروائی کا آغازکر دیا گیا ۔ ایم ایس،ایچ او ڈی اوردیگر سینئر ڈاکٹرز فرائض میں غفلت اورکوتاہی کے مرتکب قرار دیکر انتظامی کمزوری ،نااہلی اور کنٹرول کے الزامات عائد کئے گئے ہیں۔ سیکرٹری محکمہ صحت عظمت محمود نے 7 دن کے اندرتحریری جواب طلب کرلیا۔ سیکرٹری قانون آصف بلال لودھی اور سیکرٹری بلدیات میاں شکیل احمد وزیراعلیٰ مریم نوازشریف کی ہدایت پر ہیئرنگ آفیسرز مقرر کر دئیے گئے ۔مقررہ کردہ ہیئرنگ آفیسرز نے لیڈی ولنگڈن کیس میں ملوث ڈاکٹر اورسینئر حکام کو 7دن کے اندر ذاتی طورپر پیش ہونے یا تحریری جواب جمع کرانے کی ہدایت کی ہے ۔ ایم ایس اورایچ او ڈی سمیت سابق ڈبلیو ایم ڈاکٹر اقرا حفیظ،چارج نرس ڈاکٹر اقرازاہد،چارج نرس فوزیہ رشید اورسٹاف حسیب الرؤف کو بھی شوکاز نوٹس جاری کیا گیا ہے ۔