شنگھائی (شِنہوا) چین کا مقامی طور پر تیار کردہ دوسرا بڑا سیاحتی بحری جہاز جمعہ کو شنگھائی میں گودی سے نکال لیا گیا جس کے ساتھ ہی یہ آزمائشی سفر اور حتمی حوالگی کے ایک قدم اور قریب پہنچ گیا ہےکیونکہ ملک بحری سیاحت کی منڈی میں اپنی پیش قدمی کو وسعت دے رہا ہے۔
ایڈورا فلورا سٹی نامی اس جہاز کو چائنہ سٹیٹ شپ بلڈنگ کارپوریشن (سی ایس ایس سی)کے ذیلی ادارے شنگھائی وائی گاؤ چھیاؤ شپ بلڈنگ کمپنی لمیٹڈ میں طاقتور ٹگ بوٹس کے ذریعے تعمیراتی گودی سے آہستہ آہستہ باہر نکالا گیا۔ جہاز ساز ادارے کے مطابق اب یہ جہاز مکمل طور پر گھاٹ پر آزمائشی مراحل میں داخل ہو جائے گا۔
کروز لائنر کے آپریٹر ایڈورا کروزز کے مطابق جہاز کے اندرونی حصوں کی تنصیب اور سسٹمز کی جانچ کے کام میں تیزی لائی جائے گی۔ یہ جہاز رواں سال کے آخر تک حوالے کئے جانے کا امکان ہے اور یہ چین کے جنوبی صوبے گوانگ ڈونگ کے دارالحکومت گوانگ ژو میں واقع نان شا انٹرنیشنل کروز ہوم پورٹ سے بین الاقوامی روٹس پر اپنی خدمات کا آغاز کرے گا۔