بیجنگ (شِنہوا) چین کی وزارت خارجہ کے ترجمان نے کہا ہے کہ چین، پاکستان اور افغانستان کے درمیان عارضی جنگ بندی کا خیر مقدم کرتا ہے۔
ترجمان لین جیان نے یہ بات ایک معمول کی پریس بریفنگ کے دوران کہی۔ دونوں ممالک نے عید الفطر کی تعطیلات کے دوران فوجی آپریشن معطل کرنے کا اعلان کیا ہے۔
لین نے کہا کہ چین امید کرتا ہے کہ دونوں ممالک پرسکون اور تحمل سے رہیں گے، امن مذاکرات کا فوری آغاز کریں گے، جلد از جلد جامع اور مستقل جنگ بندی کریں گے، مذاکرات کے ذریعے اختلافات کو حل کریں گے اور دونوں ممالک اور خطے کے درمیان امن و استحکام کو مشترکہ طور پر برقرار رکھیں گے۔
لین جیان کا مزید کہنا تھا کہ چین متعلقہ اسلامی ممالک کی جانب سے کی جانے والی کوششوں کو سراہتا ہے اور اپنے ذرائع سے اس تنازع میں ثالثی کر رہا ہے۔ انہوں نے مزید کہا کہ چین اس سلسلے میں اپنا تعمیری کردار جاری رکھنے کے لئے تیار ہہے۔