اسلام آباد(نیشنل ٹائمز)وزیراعظم شہباز شریف کی زیر صدارت وفاقی کابینہ کاآج(پیرکو)طلب کردہ اہم اجلاس مؤخر، اب اجلاس کل (منگل کو)ہو گا، اجلاس میں اہم فیصلوں کا امکان ہے ۔ ذرائع کے مطابق وزیراعظم کی زیرصدارت کابینہ اجلاس میں اہم قومی اور بین الاقوامی امور پر غور کیا جائے گا،خطے میں بڑھتی کشیدگی اور جنگی صورتحال کا تفصیلی جائزہ لیا جائے گا جبکہ کابینہ کو ایران، اسرائیل کشیدگی سمیت علاقائی صورتحال پر بریفنگ دی جائے گی۔ ذرائع کے مطابق قومی سلامتی سے متعلق امور بھی کابینہ اجلاس کے ایجنڈے میں شامل ہے ،ملک کی داخلی صورتحال اور افغانستان کے خلاف کارروائیوں پر مشاورت بھی کی جائے گی، امریکا کے خلاف احتجاجی مظاہروں پر کابینہ کو بریفنگ دی جائے گی۔ ذرائع کے مطابق احتجاجی مظاہروں کے سکیورٹی پہلوؤں کا جائزہ اور آئندہ کی حکمت عملی پر بھی غور ہوگا، اجلاس میں اہم فیصلوں کا امکان ہے ۔
وفاقی کابینہ کا آج طلب کردہ اجلاس مؤخر، اب کل ہو گا
