ہوانگ یان ڈاؤ، جنوبی بحیرہ چین (شِنہوا) چینی کوسٹ گارڈ (سی سی جی) نے ان فلپائنی کشتیوں کو مار بھگایا جو جنوبی بحیرہ چین کے ہوانگ یان ڈاؤ میں چین کی علاقائی حدود میں غیر قانونی طور پر داخل ہوئی تھیں۔
چینی کوسٹ گارڈ کے مطابق 27 فروری کو بڑی تعداد میں فلپائنی کشتیاں جمع ہوئیں اور ہوانگ یان ڈاؤ کے قریبی پانیوں میں غیر قانونی طور پر داخل ہوئیں۔ تصادم کے خطرے کو نظر انداز کرتے ہوئے ان کشتیوں نے اشتعال انگیزی کی دانستہ کارروائی کی اور گشت کرنے والے چینی کوسٹ گارڈ کے جہازوں کے نیویگیشن راستے میں آ کر معاملے کو اچھالنے کے لئئے تصاویر بنائیں۔
چینی کوسٹ گارڈ کا کہنا ہے کہ پورے واقعے کے دوران ان کے جہازوں نے تحمل سے کام لیا اور قانون کے مطابق زبانی انتباہ جاری کرنے اور نیویگیشن راستوں کو کنٹرول کرنے کے بعد مداخلت کرنے والی فلپائنی کشتیوں کو کامیابی سے پیچھے ہٹنے پر مجبور کر دیا۔
چینی کوسٹ گارڈ نے کہا کہ فلپائنی کشتیوں کی خطرناک حرکات نہ صرف چینی کوسٹ گارڈ کے حقوق کے تحفظ اور قانون نافذ کرنے والے آپریشنز کے خلاف سنگین اشتعال انگیزی تھی بلکہ یہ فلپائنی عملے کی ذاتی حفاظت کے حوالے سے غیر ذمہ داری کی بھی عکاسی کرتی ہے۔
بیان میں مزید کہا گیا ہے کہ چین نے مستقل طور پر سمندری بچاؤ کی اپنی ذمہ داریاں پوری کی ہیں لیکن وہ کسی بھی ملک کو کسی بھی بہانے اپنی خودمختاری کی خلاف ورزی کرنے کی اجازت ہرگز نہیں دے گا۔