لاہور(نیشنل ٹائمز)جنوبی افریقہ کے سابق کپتان ڈوپلیسی نے پاکستانی بیٹر بابراعظم کے بیٹنگ آرڈر میں تنزلی کے فیصلے کی حمایت کر دی۔
انہوں نے کہا کہ پاکستانی ہیڈ کوچ مائیک ہیسن کا فیصلہ حکمت عملی کے مطابق درست تھا۔ڈوپلیسی کا کہنا تھا کہ ٹی 20 کرکٹ میں ابتدائی 6 اوورز میں تیز رفتار سٹرائیک ریٹ درکار ہوتا ہے، کلاسیک سٹروک کھیلنے والے کھلاڑی جیسے بابراعظم کبھی کبھار اس رفتار کے تقاضوں سے پیچھے رہ جاتے ہیں۔انہوں نے کہا کہ ہیسن نے بابراعظم کی مہارت کو مدنظر رکھتے ہوئے انہیں بہترین کردار دیا ہے، ان کی صلاحیت کو نظرانداز نہیں کیا۔یاد رہے کہ حالیہ کچھ عرصے کے دوران بابراعظم کو چوتھے نمبر پر بیٹنگ کیلئے بھیجا جا رہا تھا تاہم نمیبیا کے خلاف اہم میچ میں بابر کو الیون میں شامل ہونے کے باوجود بیٹنگ کیلئے نہیں بھیجا گیا تھا۔