آکرہ (شِنہوا) گھانا میں قائم چینی آٹو موبائل اسمبلنگ اور ڈسٹری بیوشن کمپنی زونڈا ٹیک گھانا لمیٹڈ نے چیری کی سپورٹ یوٹیلٹی گاڑیوں (ایس یو ویز) کی ایک رینج گھانا کی مارکیٹ میں متعارف کرا دی۔
متعارف کرائے گئے نئے ایس یو وی ماڈلز میں چیری ٹیگو 2، چیری ٹیگو 7 اور چیری ٹیگو 9 شامل ہیں جس پر تقریب میں موجود گھانا کے گاڑیوں کے شوقین افراد نے مسرت کا اظہار کیا۔
بدھ کے روز نمائش میں آئی کار وی 23 اور آئی کار 03 بھی پیش کی گئیں جو چیری رینج کی الیکٹرک گاڑیاں (ای ویز) ہیں۔
تقریب سے خطاب کرتے ہوئے زونڈا کی منیجنگ ڈائریکٹر یانگ یانگ نے کہا کہ ان کی کمپنی کا مقصد گھانا کے عوام کو چین کی بہترین گاڑیوں کی فراہمی جاری رکھنا ہے۔
یانگ یانگ نے شِنہوا سے گفتگو کرتے ہوئے کہا کہ چیری چین کی معروف آٹو موبائل برآمد کنندہ کمپنی ہے اور میں چاہتی ہوں کہ گھانا کے گاڑیوں کے شوقین افراد اس کی منفرد خصوصیات سے لطف اندوز ہوں۔
یانگ یانگ کے مطابق گھانا کے عوام نے چینی گاڑیوں کو قبول کیا ہے، خاص طور پر اس لئے کہ وہ جانتے ہیں کہ زونڈا چین سے جو کچھ بھی لاتی ہے وہ بہترین ہوتا ہے۔
ایسوسی ایشن آف گھانا انڈسٹریز (اے جی آئی) کے چیف ایگزیکٹو آفیسر سیٹھ ٹووم اکوابواہ نے گھانا کے آٹو سیکٹر میں جدت لانے پر زونڈا کو سراہا۔