ماسکو(شِنہوا)خرسون میں یوکرین کے 3 ڈرونز کے ایک کیفے اور ہوٹل کو نشانہ بنانے کے نتیجے میں کم از کم 24 افراد ہلاک اور 50 سے زائد زخمی ہو گئے۔
خرسون ریجن کے سربراہ ولادیمیر سالدو نے ٹیلی گرام پر ایک پیغام میں بتایا کہ یہ حملہ اس وقت ہوا جب شہری نئے سال کی تقریبات کے لئے جمع ہو رہے تھے۔
سالدو کے مطابق بہت سے لوگ زندہ جل گئے۔ انہوں نے کہا کہ ڈرونز میں سے ایک میں آتش گیر مواد موجود تھا جس کی وجہ سے جائے وقوعہ پر شدید آگ بھڑک اٹھی۔ فائر فائٹرز صبح تک آگ پر مکمل طور پر قابو پا سکے۔
سالدو نے کہا کہ ڈاکٹر اس وقت زخمیوں کی جانیں بچانے کے لئے کوشاں ہیں۔ انہوں نے مزید بتایا کہ علاقائی حکام متاثرین اور ہلاک ہونے والوں کے اہل خانہ کو ہر ممکن ضروری امداد فراہم کریں گے۔