پیرس(شِنہوا)ای کامرس کی بڑی چینی کمپنی جے ڈی ڈاٹ کام نے کہا ہے کہ پیرس کے شمال میں سین سینٹ ڈینس ڈیپارٹمنٹ میں اس کا گودام، جس میں پیر کے روز صبح سویرےچوری ہوئی تھی، اب معمول کے مطابق کام کر رہا ہے۔
کمپنی نے کہا کہ مقامی پولیس نے واقعے کی تحقیقات شروع کر دی ہیں اور میڈیا کی جانب سے بھاری نقصانات کی رپورٹس کو غلط قرار دیا ہے۔
مقامی میڈیا نے پولیس ذرائع کے حوالے سے بتایا ہے کہ چوروں نے ویڈیو نگرانی کا نظام غیر فعال کیا تھا اور چوری کے وقت الارم کام نہیں کر رہا تھا۔ چوری شدہ اشیاء میں بنیادی طور پر سمارٹ فونز، کمپیوٹرز اور ٹیبلٹس کے ساتھ ساتھ آڈیو ہیڈ سیٹس شامل تھے۔
جے ڈی ڈاٹ کام کے مطابق وہ دنیا بھر میں 23 ممالک اور خطوں میں 130 سے زائد بیرونی گودام چلا رہی ہے۔