(نیشنل ٹائمز)ڈی جی آئی ایس پی آر لیفٹیننٹ جنرل احمد شریف چودھری نے اِیرڈ ایگریکلچر یونیورسٹی راولپنڈی کے طلبہ و اساتذہ کے ساتھ خصوصی نشست کی ہے۔
آئی ایس پی آر کے مطابق خصوصی نشست میں طلبہ کا کہنا تھا کہ سوشل میڈیا پر پھیلنے والی معلومات کے پس منظر اور اصل حقائق کو جاننا ضروری ہے تاکہ گمراہ کن بیانیے نقصان نہ پہنچا سکیں۔طلبہ نے کہا کہ ڈی جی آئی ایس پی آر نے نشست کے دوران تمام سوالات کے اطمینان بخش جوابات دیے جس سے کئی غلط فہمیاں دور ہوئیں، طلبہ نے اس بات پر زور دیا کہ ایسے آگاہی سیشنز نوجوانوں کو حقائق سمجھنے، قومی بیانیے کو جانچنے اور ذمہ دار شہری بننے میں اہم کردار ادا کرتے ہیں۔اساتذہ کا کہنا تھا کہ طلبہ کو اپنی توانائیاں مثبت سمت میں بروئے کار لاتے ہوئے تخلیقی صلاحیتوں کو سیکھنے پہ لگانی چاہیں، نشست کے اختتام پر طلبہ نے افواج پاکستان کی پیشہ ورانہ خدمات کو خراجِ تحسین پیش کرتے ہوئے اس عزم کا اظہار کیا کہ پاک فوج ہم سے ہے اور ہم پاک فوج سے ہیں۔