بیجنگ(شِنہوا)چین میں قومی مالیاتی ضابطہ کا ر انتظامیہ نے جمعہ کے روز ایک نوٹس جاری کیا ہے جس میں بیمہ کمپنیوں کے متعدد کاروباروں کے لیے رسک فیکٹرز کم کر دیے گئے ہیں۔ اس اقدام کا مقصد طویل مدتی سرمایہ کاری کی حوصلہ افزائی کرنا اور سرمائے کی منڈی کو سہارا دینا ہے۔
ان تبدیلیوں میں مخصوص شیئر ہولڈنگز اور بیمہ کاروباروں کے لیے رسک فیکٹرز میں کمی شامل ہے۔
صنعتی تجزیہ کاروں کے مطابق بیمہ کمپنیوں کی ایکوئٹی سرمایہ کاری کے لیے رسک فیکٹرز میں کمی سے توقع ہے کہ انشورنس کمپنیوں کی مارکیٹ میں شرکت بڑھے گی جس سے سرمائے کی منڈی کے استحکام اور فعالیت کو تقویت ملے گی۔