کوئٹہ(نیشنل ٹائمز)بلوچستان کے ضلع سبی میں زلزلے کے جھٹکے محسوس کیے گئے جن سے شہریوں میں خوف و ہراس پھیل گیا۔
زلزلہ پیما مرکز کے مطابق زلزلے کی شدت 3 اور گہرائی 15 کلو میٹر ریکارڈ کی گئی، زلزلے کا مرکز سبی سے 40 کلومیٹر جنوب مغرب میں تھا۔زلزلے کے بعد لوگ کلمہ طیبہ کا ورد کرتے ہوئے گھروں سے باہر نکل آئے، زلزلے کے بعد فی الحال کسی قسم کے جانی و مالی نقصان کی اطلاع نہیں ملی۔یاد رہے کہ بدھ کے روز بھی ضلع سبی اور اطراف میں زلزلے کے جھٹکے محسوس کیے گئے تھے جن کی شدت 3.1 ریکارڈ کی گئی، زلزلے کی زیر زمین گہرائی 10 کلومیٹر جبکہ مرکز سبی سے 60 کلو میٹر دور شمال مشرق میں تھا۔