لاہور(نیشنل ٹائمز) انسپکٹر جنرل آف پنجاب پولیس ڈاکٹر عثمان انور نے 5 افسران کے تقرر و تبادلے کا نوٹیفکیشن جاری کر دیا۔
نوٹیفکیشن کے مطابق ڈسٹرکٹ پولیس آفیسر (ڈی پی او) لیہ علی وسیم کو ڈی پی او ڈیرہ غازی خان تعینات کر دیا گیا، ڈی پی او ڈیرہ غازی خان کیپٹن (ر) طارق ولایت کو ایس ایس پی ریسرچ اینڈ اینیلیسز سی ٹی ڈی پنجاب میں تعینات کیا گیا۔اے آئی جی ویلفیئر سید عبدالرحیم شیرازی کو ڈی پی او منڈی بہاؤالدین کی اضافی ذمہ داری سونپی گئی۔ڈی پی او منڈی بہاؤالدین وسیم ریاض کو اے آئی جی انفارمیشن ٹیکنالوجی سی پی او تعینات کیا گیا، جبکہ ایس پی انویسٹی گیشن ڈی جی خان شمس الدین کو ڈی پی او لیہ کا اضافی چارج دے دیا گیا۔خیال رہے کہ یہ تبادلے پولیس کی کارکردگی کو بہتر بنانے اور افسران کی صلاحیتوں کا بہترین استعمال کرنے کے مقصد سے کئے گئے ہیں۔
آئی جی پنجاب نے 5 افسران کے تقرر و تبادلے کر دیئے، نوٹیفکیشن جاری
