پاکستان کی تاریخ میں پہلی دفعہ ڈینگی کی وجہ سے پلیٹ لیٹس کی کمی کا کامیاب علاج دریافت کرلیا گیا۔
پاکستان، بنگلہ دیش، انڈیا، افغانستان میں ڈینگی کی وبا کی وجہ سے جن مریضوں کے پلیٹ لیٹس خطرناک حد تک کم ہو جاتے تھے، کثیر تعداد میں شرح اموات میں اضافہ ہوا۔ ان پلیٹ لیٹس کی کمی کے علاج کے لیے Eltrambopag کی دوائی کا استعمال کیا گیا جس کے استعمال سے پچاس ہزار تک پلیٹ لیٹس بڑھ گئے۔
یہ دوائی پہلی مرتبہ پاکستان و آزاد کشمیر میں ڈینگی کے مریضوں کے لیے استعمال کی گئی۔ معروف کشمیری معالج شوکت بخاری نے اپنی طبعی علم اور ذہانت کو استعمال کرتے ہوئے آزاد کشمیر کے دارالحکومت سی ایم ایچ میں ایک مریض پر تجربہ کیا۔ کامیاب تجربے نے انسانی جان بچا کر طب کی دنیا میں انقلاب برپا کر دیا۔
پاکستان سمیت دنیا کے دیگر ممالک میں اس کامیاب تجربے کے بعد ماہرینِ صحت نے اس تحقیق کو مفید قرار دیا، اور آنے والے دنوں میں بڑے پیمانے پر اس دوا کا استعمال کیا جائے گا۔ خیال کیا جاتا ہے کہ اس سے ڈینگی کے مریضوں کی جان بچانے میں مدد ملے گی۔
معروف کشمیری معالج شوکت بخاری گزشتہ 25 سال سے شعبہ طب سے منسلک ہیں اور پاکستانی و کشمیری ڈاکٹرز کمیونٹی میں معتبر مقام رکھتے ہیں۔ میڈیا سے گفتگو کرتے ہوئے معروف کشمیری معالج شوکت بخاری کا کہنا ہے کہ یہ دوائی مستقبل میں مریضوں کی جان بچانے کے کام آئے گی اور ابھی اس پر مزید تحقیق کی جائے گی۔