گوئی یانگ (شِنہوا) چین کے جنوب مغربی صوبے گوئی ژو کے ایک دور دراز گاؤں پر جب غروب آفتاب کی سنہری روشنی چھا جاتی ہے تو ایک درجن سے زائد فوٹوگرافرز ایک کرائے کی چھت پر جمع ہوتے ہیں۔ ان کے کیمروں اور ڈرونز کی آوازیں فضا میں گونج رہی ہوتی ہیں۔ ہر کوئی دنیا کے سب سے بلند ترین پل کی رنگین آسمان کے پس منظر میں بہترین تصویر لینے کی کوشش میں ہوتا ہے۔
چین کے قومی دن اور وسط خزاں کے تہوار کی بدھ کو ختم ہو نے والی 8 روزہ تعطیلات کے دوران دریائے بئی پان پر 625 میٹر کی بلندی پر نیا کھولا گیا ہواجیانگ گرینڈ کینن پل ایک بڑا سیاحتی مرکز بن چکا ہے۔
منگل تک اندازوں کے مطابق اس پل اور اس کے آس پاس کے علاقے میں ایک لاکھ سے زائد سیاح آ چکے ہیں۔
ژین فینگ کاؤنٹی میں واقع ایک قریبی ہواجیانگ گاؤں میں صاف ںظارہ کرنے کی وجہ سے چھت کرائے پر لینے والے مواد کے تخلیق کار شئی چھاؤ چھنگ نے کہا کہ میری جگہ سے ہر تصویر ایک شاہکار ہے۔
ہواجیانگ عظیم وادی کے اوپر پھیلا ہوا 2 ہزار 890 میٹر لمبا یہ پل 28 ستمبر کو ٹریفک کے لئے کھولا گیا جس نے 3سال کی تعمیر کے بعد وادی کو عبور کرنے کا سفر 2 گھنٹے سے کم کرکے صرف 2 منٹ کر دیا ہے۔
پل کے بالکل سامنے رہنے والے شئی نے اس پل کی تعمیر کی پیش رفت کو دستاویزی شکل دی ہے اور اپنی روزانہ کی اپڈیٹس کے ذریعے آن لائن 45 لاکھ لائکس اور 2 لاکھ 76 ہزار فالورز بنائے ہیں۔
انہوں نے یاد کرتے ہوئے کہا کہ تیز دھوپ ہو یا سخت سردی، مزدوروں کے زیادہ بلندی پر کام نے مجھے سب سے زیادہ متاثر کیا۔
اب وہ نئے آنےوالے سیاحوں کی بڑھتی ہوئی تعداد کو رہائش فراہم کرنے اور نئی دلچسپی کو برقرار رکھنے کے لئے ایک مہمان خانے میں سرمایہ کاری کر رہے ہیں۔