کابل(نیشنل ٹائمز)افغانستان میں طالبان حکومت نے جامعات میں 680 کتابوں پر پابندی عائد کردی۔
طالبان حکومت نے ایک نئی پابندی کے تحت یونیورسٹیوں میں سیکڑوں کتابوں پر پابندی لگادی ہے جن میں خواتین کی لکھی گئی تقریباً 140 کتابیں بھی شامل ہیں۔ان کتابوں میں ’سیفٹی ان دی کیمیکل لیبارٹری‘ جیسی کتابیں بھی ہیں۔اس حوالے سے طالبان حکام کا کہنا ہے کہ یہ کتابیں شرعی اصولوں اور ان کی پالیسیوں سے مطابقت نہیں رکھتیں۔واضح رہے کہ اس سے قبل طالبان حکومت مختلف علاقوں میں فائبر آپٹک انٹرنیٹ پربھی پابندی لگا چکی ہے جب کہ خواتین کے بیوٹی پارلر پر بھی پابندی عائد کی چاچکی ہے۔