چھنگ ڈاؤ (شِنہوا) چین کی پیپلزلبریشن آرمی (پی ایل اے) نیوی کے 2 جنگی بحری جہاز چین کے مشرقی ساحلی شہر چھنگ ڈاؤ میں واقع اولمپک سیلنگ سنٹر میں 24 سے 28 ستمبر تک عوامی نمائش کے لئے پیش کئے جائیں گے۔اس ایونٹ کا اہتمام پی ایل اے کے شمالی تھیٹر کمانڈ نیوی نے کیا ہے اور یہ جاپانی جارحیت کے خلاف چینی عوام کی مزاحمتی جنگ کے دوران پیدا ہونے والے جذبے کو فروغ دینے کے لئے مرتب کیا گیا ہے۔ اس دوران عوام میزائل ڈسٹرائر شی ننگ اور میزائل فریگیٹ ووہو کا دورہ کر سکیں گے۔عوام بی ہائی فلیٹ کے آفیشل وی چیٹ اکاؤنٹ کے ذریعے مفت ٹکٹ بک کروا سکتے ہیں۔یہ دونوں بحری جہاز چین میں ہی تیار کئے گئے ہیں۔ شی ننگ کو جنوری 2017 اور ووہو کو جون 2017 میں بحریہ میں شامل کیا گیا تھا۔ یہ دونوں بحری جہاز اس وقت شمالی تھیٹر کمانڈ نیوی کی سروس میں فعال ہیں۔