تیانجن(شِنہوا)چینی صدر شی جن پھنگ نے پیر کے روز شنگھائی تعاون تنظیم (ایس سی او) کے سربراہان مملکت کی کونسل کے 25 ویں اجلاس سے خطاب کرتے ہوئے انصاف اور شفافیت قائم رکھنے پر زور دیا ہے۔
انہوں نے کہا کہ ہمیں دوسری جنگ عظیم کے درست تاریخی نکتہ نظر کو فروغ دینا چاہیے اور سرد جنگ کی ذہنیت، دھڑوں کی محاذ آرائی اور زور زبردستی کی مخالفت کرنی چاہیے۔
چینی صدرشی نے اقوام متحدہ کی مرکزیت پر مبنی بین الاقوامی نظام کے تحفظ اور عالمی تجارتی تنظیم (ڈبلیوٹی او) کے تحت کثیر جہتی تجارتی نظام کی حمایت کا بھی مطالبہ کیا۔