ماسکو(نیشنل ٹائمز) روس میں تعینات بھارتی سفیر نے کہا ہے کہ بھارت کو جہاں سے سستا تیل ملے گا وہاں سےخریدےگا۔
بھارتی سفیر ونےکمار نے روسی میڈیا کوانٹرویو دیتے ہوئے کہا کہ بھارت کی ترجیح مقامی ضرورت کو پورا کرنے کے لیے توانائی کا حصول یقینی بنانا ہے۔ونے کمار نے امریکی صدر ٹرمپ کی جانب سے بھارت پراضافی محصولات لگانے کے فیصلے کو غیر معقول، غیر منصفانہ اور بلا جواز قرار دیتےہوئے کہا کہ امریکا اور یورپ سمیت دیگر ممالک بھی روس کےساتھ تجارت کررہےہیں۔امریکی صدر کی بے رخی، بھارت نے ٹرمپ انتظامیہ سے بہتر تعلقات کیلئے لابنگ فرم کی خدمات لے لیںبھارتی سفیر کا مزید کہنا تھا کہ بھارت اور روس کے درمیان تجارت دوطرفہ تعلقات اورباہمی مفادات پر مبنی ہے، بھارتی حکومت قومی مفادات کے تحفظ کے لیے اقدامات جاری رکھےگی۔ونے کمار کا یہ بیان ایک ایسے وقت میں سامنے آیا ہے جب امریکی صدر ڈونلڈ ٹرمپ کی جانب سے بھارت پر عائد 50 فیصد ٹیرف نافذ ہونے میں محض 2 روز باقی ہیں۔