ویب ڈیسک) نیشنل ٹائمز) وزیراعظم شہباز شریف کی زیر صدارت اجلاس ہوا جس میں بڑھتی آبادی اور اسکے مسائل کے حل کے لیے اقدامات کا جائزہ لیاگیا۔
وزیراعظم شہباز شریف نے اجلاس سےگفتگو کرتے ہوئےکہاکہ پاکستان میں آبادی کے بڑھنے کی سالانہ شرح 2.55 فیصد ہے۔وزیراعظم نے تیزی سے بڑھتی آبادی کو ترقی اور معیشت کا فعال حصہ بنانے کے لیے منصوبہ بندی کو ضروری قرار دیدیا۔وزیراعظم شہباز شریف کاکہنا تھاکہ نوجوان ملک کا انتہائی قیمتی اثاثہ ہیں، نوجوانوں کو معاشی ترقی میں کردار ادا کرنےکے مواقع دینےکے لیے اقدامات کر رہے ہیں۔وزیراعظم نے بڑھتی آبادی اور مسائل سے نمٹنے کےلیے صوبوں کے تعاون سے مؤثر حکمت عملی بنانےکی ہدایت کردی۔