انٹرنیشنل ڈیسک(نیشنل ٹائمز) یورپی یونین نے متحدہ عرب امارات کو منی لانڈرنگ کی ہائی رسک ممالک کی فہرست سے نکال دیا۔
جیو نیوز کے مطابق یورپی کمیشن نے اماراتی قوانین اورریگولیٹری نظام میں نمایاں بہتری کو تسلیم کیا، یورپی یونین نے یو اے ای کو منی لانڈرنگ ہائی رسک ممالک کی فہرست سے نکالنے کا فیصلہ یورپی کمیشن کی سفارش پرکیا۔ اس حوالے سے اماراتی حکام نے کہا کہ قانونی و انتظامی اصلاحات کے ساتھ سخت کارروائیاں کیں، یورپی یونین کا فیصلہ عالمی مالیاتی جرائم کے خلاف یو اے ای کی کوششوں کا اعتراف ہے۔ اس کے علاوہ یورپی یونین اور یو اے ای کے درمیان فری ٹریڈ معاہدے پر بات چیت کے آغازپر بھی اتفاق کیا گیا ہے۔ واضح رہے کہ فیٹف نے فروری 2024 میں متحدہ عرب امارات کو گرے لسٹ سے نکالا تھا۔