غزہ(نیشنل ٹائمز) اسرائیلی حملے کے بعد عمارت کے گرتے ہوئے ملبے سے بچنے کی کوشش کرتے ہوئے فلسطینی سائیکل سوار کی ویڈیو وائرل ہوگئی۔
خبر رساں ادارے الجزیرہ کی جانب سے پوسٹ کی گئی ویڈیو میں اسرائیلی فوج کے وحشیانہ حملے میں ہونے والی تباہی دیکھی جاسکتی ہے۔اسی دوران ایک فلسطینی نوجوان اس حملے کے نتیجے میں عمارت کی تباہی اور اس کے ملبے سے بچنے کی کوشش کررہا ہے تاہم وہ اس کوشش میں سائیکل سے گرجاتا ہے۔ ویڈیو میں دیکھا جاسکتا ہے کہ ملبہ گرنے کے کچھ دیر بعد ہر طرف دھواں پھیل جاتا ہے اور ملبے سے بچنے کی کوشش کرنے والا سائیکل سوار شخص نظر نہیں آتا۔ الجزیرہ کے مطابق اسرائیل فوج نے یہ حملہ شمالی غزہ کے علاقے ابو اسکندر میں کیا تاہم اس حوالے سے کچھ نہیں بتایا گیا کہ ملبے سے بچنے کی کوشش کرنے والے نوجوان کی حالت کیسی ہے۔