اسلام آباد(نیشنل ٹائمز)وفاقی وزیر برائے توانائی اویس لغاری نے کے الیکٹرک کے ٹیرف پر نظر ثانی کی درخواست دائر کرنے کے بعد بیان میں کہا کہ پاور سیکٹر ٹیرف کے ڈھانچے میں اضافہ کرنے کا متحمل نہیں ہو سکتا۔ان کا کہنا تھاکہ کسی نجی یا عوامی کمپنی کی نااہلی کی حوصلہ افزائی کیلئے ٹیرف ڈھانچے میں اضافے کے متحمل نہیں۔اویس لغاری کے مطابق نظر ثانی درخواست بجلی تقسیم کار نظام میں پائیدار اور صحت مندانہ ماحول کے فروغ کیلئے ہے لہٰذا امید ہے کہ نظرثانی کا عمل شفاف اور منصفانہ طریقے سے مکمل ہوگا۔خیال رہے کہ گزشتہ دنوں نیپرا نے کے الیکٹرک کیلئے7 سالہ ٹیرف کی منظوری دی تھی، 7 سالہ ٹیرف کی منظوری 2024 سے 2030 تک دی گئی اور کے الیکٹرک کو بجلی ڈسٹری بیوشن بزنس پر 3روپے 31 پیسے فی یونٹ کا ٹیرف دیا۔وزارت توانائی نے نیپرا کے فیصلے پر تحفظات کا اظہار کیا تھا۔