اسلام آباد(نیشنل ٹائمز)ایوانِ شاہی کے مطابق ڈاکٹر مطلب النفیسہ کی نماز جنازہ جمعے کو عصر کی نماز کے بعد ریاض کی شاہ خالد مسجد میں ادا کی گئی۔ڈاکٹر مطلب النفیسہ کو سعودی کابینہ میں قانونی مشیر مقرر کیا گیا تھا۔انہوں نے کئی سرکاری عہدوں پر بھی کام کیا جن میں وہ بطور وزیر مملکت اور کابینہ کے رکن بھی شامل رہے۔ڈاکٹر مطلب النفیسہ 1937میں القصیم صوبے میں پیدا ہوئے تھے، 1962 میں انہوں نے قاہرہ یونیورسٹی سے قانون میں گریجویشن مکمل کی اور اس کے بعد انہیں اسکالر شپ پر امریکا بھیج دیا گیا جہاں انہوں نے ہارورڈ یونیورسٹی سے قانون میں ماسٹرز اور ڈاکٹریٹ کی ڈگری حاصل کی۔