اسلام آباد(نیشنل ٹائمز) پولیس رپورٹ کے مطابق 17 سالہ ڈرائیور 120 کلو میٹر فی گھنٹہ کی رفتار سے گاڑی چلارہا تھا ، اس کے پاس ڈرائیورنگ لائسنس اور قومی شناختی کارڈ بھی نہيں تھا۔رپورٹ میں بتایا گیا ہے کہ موٹرسائیکل اپنی مخصوص لین میں تھی اور کار نےفاسٹ لین سے انتہائی بائیں جانب آتے ہوئے موٹرسائیکل کو ٹکر ماری۔پولیس کےمطابق حادثے کا مقدمہ مقتولہ کے والد کی مدعیت میں درج کرکے کار ڈرائیور کو گرفتار کرلیا گيا ہے ۔واضح رہے کہ گزشتہ روز شاہراہ فیصل پر تیز رفتار کار نے موٹرسائیکل سوار میاں بیوی کو ٹکر ماری جس سے دونوں موقع پر جاں بحق ہوگئے۔شہر میں رواں برس اب تک ٹریفک حادثات میں اب تک 220 سے زائد افراد جاں بحق ہوچکے ہیں۔