اسلام آباد(نیشنل ٹائمز) سندھ حکومت کی ایک سالہ کارکردگی پر بریفنگ دیتے ہوئے وزیراعلیٰ سندھ نے کہا کہ گزشتہ ایک سال میں سندھ حکومت نے بہت سے عوامی منصوبے شروع کیے،کوشش کی ہے کہ گورننس میں ڈیجیٹلائزیشن لائی جائے۔ انہوں نے بتایا کہ پچھلے سال بلاول بھٹو نے سندھ ہاری کارڈ کا اجرا کیا تھا اور ایک سال میں تقریباً 10ارب روپے ایک لاکھ سے زائد ہاریوں کو دے چکے ہیں۔مراد علی شاہ نے مزید بتایا کہ طلبہ کے لیے پیپلز انفارمیشن ٹیکنالوجی پروگرام شروع کیا، اس پروگرام سے 3 جامعات میں 11 ہزار 71 طلبہ نے گریجویٹ کیا جب کہ آئی ٹی میں ہم نے 3 پورٹلز بنائے ہیں۔ وزیراعلیٰ کا کہنا تھا کہ سیلاب متاثرین کی بحالی کے لیے سندھ پیپلز ہاؤسنگ فار فلڈ افیکٹیز ہمارا فلیگ شپ پروجیکٹ ہے جب کہ کراچی میں میں بھی ترقیاتی منصوبوں پرکام جاری ہے، گھوٹکی میں زرعی ریسرچ سینٹر قائم کیا گیا ہے، ڈرون کے ساتھ دیہاتوں کی ڈیجیٹل میپنگ کی جارہی ہے۔ مراد علی شاہ نے کہا کہ ایک سال میں جوکچھ کرسکتے تھے وہ کیا، ہم قائداعظم اور ذوالفقارعلی بھٹو کے ویژن کو آگے بڑھارہے ہیں۔