اسلام آباد(نیشنل ٹائمز)نوٹیفکیشن کے مطابق محکمہ زکوٰۃ سندھ نے اسپتالوں کی مالی مدد کرنے کیلئے 20 کروڑ روپے جاری کردیے۔نوٹیفکیشن میں بتایا گیا ہے کہ 2024 اور 2025 کے بجٹ سے 20 کروڑ روپے جاری کیے گئے ہیں جو اسپتالوں کے اکاؤنٹس میں منتقل کر دیے گئے ہیں جب کہ یہ رقم مستحق مریضوں کے مفت علاج اور ادویات کے لیے مختص ہے۔نوٹیفکیشن میں یہ بھی بتایا گیا ہے کہ سرکاری اور فلاحی اسپتالوں کو زکوٰۃ فنڈ سے مالی مدد دی جائے گی۔نوٹیفکیشن کے مطابق سول اسپتال کو ایک کروڑ 25 لاکھ، جناح اسپتال کو ایک کروڑ، لیاری جنرل اسپتال کو 27 لاکھ 50 ہزار روپے ملے ہیں جب کہ سوبھراج میٹرنٹی اسپتال کو 12 لاکھ 50 ہزار روپے، کریک جنرل اسپتال کورنگی کو 25 لاکھ اور ڈسٹرکٹ کونسل اسپتال جام کنڈو کراچی کو 10 لاکھ روپے جاری کیے گئے ہیں۔