اسلام آباد(نیشنل ٹائمز) کراچی میں لگ بھگ 4 ماہ تک رہ کر امریکا روانہ ہونے والی اونیجا اینڈریو رابنسن گزشتہ دنوں کراچی کے جناح انٹرنیشنل ائیرپورٹ سے براستہ دبئی امریکا کے لیے روانہ ہوئی تھیں۔تاہم اب امریکی خاتون کی دبئی میں پاکستانی نوجوانوں کے ساتھ ویڈیوز سامنے آئی ہیں۔ویڈیوز سے اندازہ ہوتا ہے کہ اونیجا رابنسن نے کراچی سے دبئی جا کر نیویارک کی اگلی پرواز چھوڑ دی تھی اور وہ دبئی میں رہ گئیں۔سوشل میڈیا پر اونیجا کی ایک ویڈیو سامنے آئی ہے جس میں وہ دبئی کی سڑکوں پر پاکستانی نوجوانوں کے ساتھ ویڈیوز اور سیلفیاں بناتے نظر آرہی ہیں۔خاتون کی یہ ویڈیو 9 فروری کی ظاہر ہورہی ہیں، اونیجا کراچی سے 7 فروری کی رات امارات ائیر کی پرواز ای کے 603 سے دبئی کے لیے روانہ ہوئی تھیں۔جیو نیوز کے پاس خاتون کے دونوں بورڈنگ پاس موجود ہیں، پہلے بورڈنگ پاس کے مطابق امریکی خاتون کراچی سے پرواز ای کے 603 سے دبئی روانہ ہوئی، اس پرواز میں خاتون سیٹنگ زون ایف کی مسافر تھیں اور سیٹ نمبر 14 سی پر سفر کیا۔یہ پرواز رات 10 بج کر 54 منٹ پر جناح ٹرمینل کے ڈیپارچر لاؤنج کے گیٹ نمبر 26 سے دبئی کے لیے روانہ ہوئی۔ اس پرواز نے مقامی وقت کے مطابق رات 12 بج کر 11 منٹ پر دبئی لینڈ کیا۔دوسرے بورڈنگ پاس کے مطابق خاتون دبئی سے نیویارک کی پرواز ای کے 0203 میں سیٹنگ زون ڈی کی مسافر تھیں اور سیٹ نمبر 77 بی پر اگلا سفر کرنا تھا۔ پرواز ای کے 203 سے اسی رات (8 فروری) 03:06 بجے دبئی سے نیویارک کے لیے روانہ ہوئی۔کراچی کی پرواز سے اتر کر اگلی پرواز میں سوار ہونے کے لیے اونیجا کے پاس 2 گھنٹے کا وقت تھا۔ اس دو گھنٹے میں بھی وہ ایک گھنٹے کے لیے دبئی شہر میں جا کر واپس آسکتی تھیں مگر اس وقت رات تھی اور سامنے آنے والی ویڈیوز دن کی ہیں جس سے اندازہ ہوتا ہے کہ غالباً وہ پرواز ای کے 203 میں سوار ہی نہیں ہوئیں اور امریکی شہری ہونے کی وجہ سے دبئی کے آن آرائیول ویزا کی سہولت کا فائدہ اٹھا کر دبئی میں داخل ہوگئیں۔ایوی ایشن ذرائع کے مطابق تکنیکی طور پر خاتون کی دبئی سے نیویارک کی پرواز کا ٹکٹ ضائع ہوگیا اور اب انہیں دبئی سے نیویارک جانے کے لیے دوسرا ٹکٹ خریدنا ہوگا۔