پاکستان کے معروف صحافی جاوید شہزاد کو پیر کے روز رالپنڈی کے علاقے چوہڑ چوک کے بڑے قبرستان میں سپرد خاک کردیا گیا۔ جنازے میں زندگی کے مختلف شعبوں سے تعلق رکھنے والی عمایدین نے کثیر تعداد مین شرکت کی صحافیوں سیاسی راہنماؤں سابق وفاقی وزیر داخلہ شیخ رشید احمد، سابق صوبائی وزیر ڈاکٹر جمال ناصر، زمرد خان، چیئرمین پیمرا مرزا سلیم بیگ، چیف ایڈیٹر اوصاف میڈیا گروپ مہتاب خان، سینئر صحافی خوشنود علی خان، افضل بٹ صدر پی ایف یو جے، ایڈیٹر ورلڈ ٹریبیون افتخار مشوانی، ایڈیٹر جنگ طاہر خلیل نواز، رضا سجاد اظہر، متین حیدر، حاضر سروس اور ریٹائرڈ سرکاری افسران، وکلا، ممبران کنٹونمنٹ بورڈ، تاجر نمائندوں اساتذہ، مرحوم کے قریبی دوستوں رشتہ داروں عمائدین علاقہ اور شہریوں کی بڑی تعداد نماز جنازہ میں شریک ہوئی۔ نماز جنازہ مرحوم کے چھوٹے بھائی معروف صحافی خرم شہزاد نے پڑھائی ۔نماز جنازہ سے قبل سابق وائس پریذیڈنٹ کنٹونمنٹ بورڈ حافظ حسین احمد ملک نے جاوید شہزاد کو شاندار الفاظ میں بھرپور خراج عقیدت پیش کیا ۔جاوید شہزاد ایک باوقار صحافی تھے جن کا گذشتہ روز حرکت قلب بند ہونے سے انتقال ہو گیا تھا۔