تل ابیب(نیشنل ٹائمز)غرب اردن کے علاقے جنین میں حماس کے مرکز کو تباہ کرنے کے لیے جانے والی فوجی بکتر بند گاڑی بارودی سرنگ دھماکے میں تباہ ہوگئی،اسرائیلی میڈیا کے مطابق فوجی ترجمان نے تصدیق کی ہے کہ جنین میں سڑک کے کنارے زیر زمین نصب بارودی سرنگ بم پھٹنے سے 22سالہ کیپٹن ایلون اسکاگیو ہلاک ہوگئے،بیان میں کہا گیا ہے کہ اسرائیلی فوج نے ڈی 9ملٹری بلڈوزر کی مدد سے دھماکہ خیز مواد کی نشاندہی کے لیے سرچ آپریشن کیا تھا مگر بلڈوزر زیر زمین بارودی سرنگ کے زیادہ گہرائی میں ہونے کی وجہ سے نشاندہی نہیں کرسکا،اسرائیلی فوج کے ترجمان کا کہنا تھا کہ اس بارودی مواد کو زیر زمین 1.5میٹر کی گہرائی میں نصب کیا گیا تھا، جو ڈی 9ڈگ پوائنٹ سے گہرا ہے،اسرائیلی فوج کے ترجمان کا مزید کہنا ہے کہ 16زخمی اہلکاروں میں سے 2 کی حالت تشویشناک ہے جب کہ 5کو شدید چوٹیں آئی ہیں اور 9اہلکاروں کو معمولی زخم آئے ہیں۔