دبئی (نیشنل ٹائمز) متحدہ عرب امارات میں سوشل میڈیا انفلوئنسرز کے لیے لائسنس لازمی قرار دے دیا گیا ہے۔ میڈیارپورٹ کے مطابق اماراتی حکومت کی طرف سے سوشل میڈیا انفلوئنسرز کے لیے 1250درہم ( تقریبا 95ہزار روپے ) لائسنس فیس لاگو کی گئی ہے۔ سوشل میڈیا مارکیٹنگ کمپنیوں کے لیے اس لائسنس کی فیس 5ہزار درہم (تقریبا 3لاکھ 80ہزار روپے) رکھی گئی ہے۔ حکومتی اعلان کے مطابق لائسنس کے بغیر اشتہاری خدمات فراہم کرنے والے اداروں اور سوشل میڈیا انفلوئنسرز کو 10ہزار درہم (قریبا 7لاکھ 60ہزار روپے )جرمانہ کیا جائے گا۔ اس نئے قانون کا نفاذ یکم جولائی سے ہو گا۔