تل ابیب(نیشنل ٹائمز) اسرائیلی فوج نے غزہ میں یرغمالی فوجی کی ہلاکت کی تصدیق کر دی، اسرائیلی فوجی ترجمان نے کہا ہے کہ سات اکتوبر کے حماس حملے میں فوجی کو قتل کرنے کے بعد اس کی لاش کی غزہ منتقل کر دی تھی،خیال رہے کہ غزہ میں قید یرغمالیوں میں سے 42کی ہلاکت ہو چکی ہے۔ جبکہ ان میں سے نو ہلاک شدگان اسرائیلی فوجی ہیں۔ اسرائیلی فوج نے اب تک غزہ میں 37626فلسطینیوں کو شہید کیا ہے۔ جبکہ سینکڑوں کو غزہ جنگ کے دوران غزہ سے اٹھا لیا گیا ہے یا لاپتہ کر دیا گیا ہے۔