اسلام آباد(نیشنل ٹائمز)سپریم کورٹ نے فیصل واوڈا کی پریس کانفرنس کا ازخود نوٹس لے لیا۔میڈیا رپورٹ کے مطابق سینیٹر فیصل واوڈا نے بدھ کوپریس کانفرنس کی تھی جس پر سپریم کورٹ کی جانب سے ازخود نوٹس لے لیا گیا ہے۔چیف جسٹس قاضی فائز عیسی کی سربراہی میں ازخود نوٹس پر بینچ (آج) جمعہ کو سماعت کرے گا جبکہ کیس بینچ ون کے سامنے مقرر کر دیا گیا ہے۔ فیصل واوڈا نے گزشتہ روز پریس کانفرنس کر کے اسلام آباد ہائی کورٹ کے ججز کو تنقید کا نشانہ بنایا تھا، نیب ترامیم کیس کی سماعت کے دوران بھی فیصل واوڈا کی پریس کانفرنس کا ذکر ہوا تھا۔