لاہور(نیشنل ٹائمز)چیئرمین جوائنٹ چیفس آف سٹاف کمیٹی جنرل ساحر شمشاد نے نیوی وار کالج لاہور کا دورہ کیا اور اس موقع پر خطاب کرتے ہوئے کہا کہ پاک بحریہ نے ہمیشہ سمندری مفادات کے تحفظ کیلئے قوم کی توقعات کوپورا کیا۔

پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا نے 53ویں پی این سٹاف کورس کے شرکا ء سے خطاب کرتے ہوئے کہا کہ پاک بحریہ نے ہمیشہ سمندری مفادات کے تحفظ کیلئے قوم کی توقعات کوپورا کیا،مادر وطن کیلئے پاک بحریہ کی بہادری اور قربانیوں کی قابل فخر تاریخ ہے، ۔ کالج کمانڈنٹ ریئر ایڈمرل اظہر محمود نے کالج آمد پر چیئرمین جے سی ایس سی کا استقبال کیا۔چیئرمین جوائنٹ چیفس آف سٹاف کمیٹی نے یادگار شہدا پرپھول رکھے اور فاتحہ خوانی کی۔ چیئرمین جے سی ایس سی نے جنگی تیاریوں کیلئے پاک بحریہ کے کردار کو سراہا۔