ممبئی (نیشنل ٹائمز) عالیہ بھٹ کے میٹ گالا 2024 میں شرکت کیلئے بھاری رقم ادا کرنے کی قیاس آرائیاں ہورہی ہیں۔ میٹ گالا تک رسائی ہر کسی کے لیے ممکن نہیں ہوتی اور اس میں سلیبریٹیز کو میوزیم کے ریڈ کارپٹ پر واک کے لیے بھاری رقم ادا کرنی پڑتی ہے۔رپورٹس کے مطابق میٹ گالا کے ایک ٹکٹ کی قیمت تقریبا 75 ہزار ڈالر ہے جب کہ پوری ٹیبل کی قیمت 3 لاکھ 50 ہزار ڈالرز سے شروع ہوتی ہے۔ یہ چیریٹی ایونٹ ہوتا ہے اور یہ رقم میٹروپولیٹن میوزیم آف آرٹ کے کاسٹیوم انسٹی ٹیوٹ کو فنڈ دینے کے لیے استعمال کی جاتی ہے۔ رپورٹس میں بتایا گیا ہے کہ جب کمپنیاں اپنے مہمانوں کے لیے میزیں خریدتی ہیں تو انفرادی نشستوں کی ادائیگی مشہور شخصیات خود کرتی ہیں۔ٹکٹ کی قیمت میں نا صرف میٹ گالا کا دعوت نامہ شامل ہے بلکہ اعلی فنکاروں کی کچھ انتہائی خصوصی پرفارمنس دیکھنے کا موقع بھی شامل ہے۔ اس پر قیاس آرائیاں ہیں کہ کیا عالیہ بھٹ نے 75 ہزار ڈالر(تقریباً 63 لاکھ بھارتی روپے) ادا کیے تاکہ وہ میٹ گالا پر ریڈ کارپٹ پر چل سکیں تاہم یہ ابھی تک واضح نہیں ہے کہ آیا عالیہ نے اپنے ٹکٹ کے لیے فنڈز فراہم کیے ہیں یا نہیں۔واضح رہے کہ عالیہ بھٹ نے دوسری مرتبہ میٹ گالا میں شرکت کی ہے۔