پشاور(نیشنل ٹائمز) مسلم لیگ(ن)کی خیبرپختونخوا کی نائب صدر اور سابق رکن صوبائی اسمبلی شازیہ اورنگزیب نے پارٹی عہدے اور رکنیت سے استعفی دے دیا۔ شازیہ اورنگزیب نے کہا کہ مسلم لیگ(ن)ون مین شو ہے، فرد واحد کی ایما پر چل رہی ہے۔ انہوں نے الزام عائد کیا کہ(ن)لیگ کے صوبائی صدر 15 ارب روپے کے فنڈز شانگلہ لے گئے، صوبائی صدر نے پورے صوبے کو یتیم کردیا ہے۔ شازیہ اورنگزیب کا کہنا تھا کہ احتجاجا اپنی بنیادی رکنیت اور عہدے سے مستعفی ہورہی ہوں۔