اسلام آباد (آئی این پی) وزیر اعلیٰ خیبرپختونخوا علی امین گنڈا پور نے کہا ہے کہ مجھے علم ہے کہ مذاکرات کس سے کرنے ہیں اور کس کے ہاتھ میں حکومت ہے، مذاکرات کا ماحول ہو گا تو بانی پی ٹی آئی سے مزید گائیڈ لائنز لوں گا،خوف کا بت توہماری پارٹی نے توڑ دیا اب میں کا بت توڑنا ہے۔

پارٹی کاز کو نقصان پہنچا نے والوں کو نہیں چھوڑیں گے، بشریٰ بی بی کو ایسی کو ئی چیز دی گئی جس کی وجہ سے ان کی طبیعت خراب ہوئی،پہلے خط لکھا اجازت نہیں دی گئی دوبارہ خط لکھوں گا کہ بانی پی ٹی آئی اور بشریٰ بی بی کے مکمل میڈیکل چیک اپ کی اجازت دی جائے۔پیر کو نجی ٹی وی سے گفتگو کرتے ہوئے وزیر اعلیٰ خیبرپختونخوا علی امین گنڈا پور نے کہا کہ ایک لیڈر جس کی وجہ سے ووٹ ملا ہے وہ بے گناہ جیل میں ہے،خوف کا بت توہماری پارٹی نے توڑ دیا اب میں کا بت توڑنا ہے،جو ہماری پارٹی کے کاز کو نقصان پہنچا رہے ہیں ان کو بھی نہیں چھوڑیں گے،پی ڈی ایم جیسے ایڈونچر ہماری نسلوں کو تباہی کی طرف لے جا رہے ہیں،، اس دفعہ ہمیں نعرہ حق لگانا ہوا تو پھر چیزیں ایک بار ہی ٹھیک ہوں گی۔

بانی پی ٹی آئی نے ہمیشہ کہا کہ پاکستان کیلئے مذاکرات پر تیار ہیں، بشریٰ بی بی کو ایسی کو ئی چیز دی گئی جس کی وجہ سے ان کی طبیعت خراب ہوئی، خیبرپختونخوا حکومت نے خط لکھا تھا کہ میڈیکل بورڈ بھیجنا چاہتے ہیں، ان کے دل میں کوئی چور ہے اس لئے ہمیں اجازت نہیں دے رہے ہیں، دوبارہ خط لکھوں گا کہ بانی پی ٹی آئی اور بشریٰ بی بی کے مکمل میڈیکل چیک اپ کی اجازت دی جائے،بانی پی ٹی آئی ذات کیلئے یا ڈیل کیلئے مذاکرات نہیں چاہتے، مذاکرات کا ماحول ہو گا تو بانی پی ٹی آئی سے مزید گائیڈ لائنز لوں گا، مجھے علم ہے کہ مذاکرات کس سے کرنے ہیں اور کس کے ہاتھ میں حکومت ہے، دہشت گردی کا مقابلہ کرنے پر فوج اور پولیس کو سلام پیش کرتا ہوں، دہشت گردی کے خلاف جنگ میں ہمارے 1600 ارب روپے خرچ ہو چکے ہیں ایک دھیلا نہیں ملا،سپاہیوں کو بلٹ پروف جیکٹ نہیں بلٹ پروف گاڑیاں دوں گا۔