اسلام آباد (نیشنلٹائمز)سابق نگران وزیراعظم سینیٹر انوار الحق کاکڑ نے کہا ہے کہ گندم کی درآمد کوئی بحران نہیں بحران بنایا جا رہا ہے،ملک میں گندم کی بمپر پیداوار ہوئی، سر پلس نہیں،صارفین کو سوا ارب روپے کا فائدہ ہوا سستی روٹی ملی۔نجی ٹی وی سے گفتگو کرتے ہوئے انوارالحق کاکڑ نے کہا کہ کسی محکمہ یا ادارے سے کوئی فارم 47کی شکایت نہیں آئی،فارم 47 چیلنج کرنے کیلئے فورم موجود ہیں ۔انہوںنے کہا کہ جن کمپنیوں نے گندم درآمد کی ان کا مکمل ڈیٹا موجود ہے،خراب گندم حکومت نے برآمد نہیں کی ، نجی کمپنیوں نے منگوائی، گندم سکینڈل ایک سکرپٹڈ مہم دکھائی دے رہی ہے،مہم کا نشانہ میں ہو سکتا ہوں اور کوئی دوسرا بھی ہو سکتا ہے،نجی کمپنیوں کے کئے گئے عمل کا جواب مجھ سے کیوں مانگا جا رہا ہے،نجی کمپنیوں کو اجازت دینے کا قانون بانی پی ٹی آئی کے دور سے ہے، پی ٹی ڈی ایم حکومت نے گندم کی درآمد سے انکار نہیں کیا اسے موخر کیا،ملک میں گندم کی بمپر پیداوار ہوئی، سر پلس نہیں،صارفین کو سوا ارب روپے کا فائدہ ہوا سستی روٹی ملی، گندم کی درآمد کوئی بحران نہیں بحران بنایا جا رہا ہے،گندم درآمد کا ہمارا درست فیصلہ تھا، موجودہ حکومت کا بھی درست ہے،خراب گندم درآمد ہوئی ہے تو اس کی چیکنگ کاقانون موجود ہے۔