اسلام آ باد (نیشنل ٹائمز ) وفاقی وزیرداخلہ محسن نقوی نے کہا ہے کہ اتحاد کی قوت سے دہشتگردی کے ناسور کا مکمل خاتمہ کریں گے ،شہدا کی قربانیاں ضائع نہیں جانے دیں گے،کے پی کے پولیس دہشت گردی کے خلاف جنگ میں فرنٹ لائن پر ہے۔تفصیلات کے مطابق وفاقی وزیرداخلہ محسن نقوی نے ٹانک میں تھانہ ایس ایم اے کی حدود میں شان خیل کورونہ کے قریب دہشتگردوں کی فائرنگ سے شہید ہونے والے کانسٹیبل عثمان غنی کو خراج عقیدت پیش کرتے ہوئے کہا ہے کہ کانسٹیبل عثمان غنی نے شہادت کا بلند رتبہ پایا،شہید کانسٹیبل عثمان غنی نے وطن عزیز کے امن کے لئے اپنی قیمتی جان نچھاور کی ۔ محسن نقوی نے کہا کے پی کے پولیس دہشت گردی کے خلاف جنگ میں فرنٹ لائن پر ہے،کے پی کے کی پولیس کے شہیدوں نے اپنے لہو سے قربانیوں کی تاریخ لکھی ہے،شہدا کی قربانیاں ضائع نہیں جانے دیں گے۔ انہوں نے کہا کہ اتحاد کی قوت سے دہشتگردی کے ناسور کا مکمل خاتمہ کریں گے ۔