نارووال (نیشنل ٹائمز) وفاقی وزیرمنصوبہ بندی ،ترقی و خصوسی اصلاحات احسن اقبال نے کہا ہے کہ وزیر اعظم شہباز شریف نے سابقہ نگران دور میں گندم کی خریداری میں گھپلے کرنے والوں کے خلاف کمیٹی بنا کر معاملے کی تحقیقات کرنے کا حکم دے دیا ہے۔

ان خیالات کا اظہار انہوں نے نارووال میں مختلف منصوبوں کا افتتاح کرنے کے بعد میڈیا سے گفتگو کرتے ہوئے کیا۔ احسن اقبال نے کہا ملک کو معاشی طور پر مستحکم بنانے کے لیے اس وقت ضرورت اس امر کی ہے کہ ہم لڑائی کی بجائے مل بیٹھ کرمسائل کے حل کی طرف جائیں تاکہ سیاسی طور پر امن اور استحکام ہو اور پالیسز کا تسلسل بھی ہو اور سرمایا یہ کاری کی راہ ہموار کی جا سکے۔ انہوں نے کہا پیپلز پارٹی کے ساتھ ہماری اچھی ورکنگ ریلیشن شپ ہے میں امید کرتا ہوں وہ ہماری کابینہ کا حصہ بنیں گے اور تعمیر وطن کے اس سفر میںہم انکے تجربے سے استفادہ حاصل کریں گے ہماری نظر 2047میں منائے جانے والے وطن عزیز کے سو سالہ جشن آزادی پر ہونی چاہیں اور ہمیں آج پلاننگ کرنی ہو گی کہ ہم2047 تک کے اہداف کو کس طرح حاصل کر سکتے ہیں ۔ احسن اقبال نے کہا کہ آپ اگر ڈاکٹر ہیں تو پاکستان آپکا ہسپتال ہے ا ایک ٹیچر کا پاکستان اسکا سکول ہے اور ہم اپنی اپنی جگہ پر بہتر کام کر کے اپنے پیارے وطن کی خدمت کر سکیں بعد ازاںاحسن اقبال نے نارووال رنسیوال پھاٹک سے ریلوے اسٹیشن تک روڈ لائٹس کا افتتاح کیا۔