اسلام آباد (نیشنل ٹائمز) وفاقی حکومت نے ایف آئی اے سائبرونگ کی جگہ نیا ادارہ بنادیا ہے۔ایف آئی اے کی جگہ این سی سی آئی اے نیشنل سابئرکرائم انویسٹی گیشن ایجنسی کام کرے گی ، جس کا گزٹ جاری کردیاگیا ہے، وفاقی حکومت نے نیشنل سائبرکرائم انویسٹی گیشن ایجنسی کے قوانین بنا دیے ہیں ،ایف آئی اے سابئرونگ ملازمین اورکیسزاین سی سی آئی اے کو منتقل کردیے گئے۔ وزارت انفارمیشن ٹیکنالوجی اینڈ ٹیلی کمیونیکیشن نے نوٹیفیکیشن جاری کردیا ہے ۔ ذرائع کا کہنا ہے کہ سائبر کرائم انویسٹی گیشن ایجنسی انٹرنیٹ اور سوشل میڈیا پر ہونے والے کرائم سے نمٹنے کیلئے بنائی گئی ہے۔تجویز شدہ قانون کے مطابق ایف ائی اے سائبر ونگ کے تمام ملازمین ایک سال کیلئے نئی ایجنسی میں کام کرینگے،نئی ایجنسی پیکا قانون کے تحت کام کریگی۔ سائبرکرائم سے متعلق کیسز، انکوائریاں ایف آئی اے سے ایجنسی کو منتقل ہو جائینگے ،مجوزہ قانون میں بتایا گیا ہے کہ سائبر کرائم ایجنسی کا ڈی جی اکیس یا بائیس گریڈ کا افسر ہوگا۔مجوزہ قانون کے مطابق ڈی جی سائبر کرائم ایجنسی کا تقرر 2سال کیلئے ہوگا،ڈی جی سائبر کرائم ایجنسی کو آئی جی پولیس کے اختیارات حاصل ہونگے۔ سائبر ایجنسی یو کے اور امریکہ کی طرز کی سائبر کرائم ایجنسی بنائی گئی ہے،سرکاری نیشنل سائبرکرائم انویسٹگیشن ایجنسی بل جلد پارلیمان میں پیش کردیاجائے گا۔