راولپنڈی(نیشنل ٹائمز) بانی پی ٹی آئی عمران خان سے اڈیالہ جیل میں انکی اہلیہ بشری بی بی نے ملاقات کی ہے جس میں اہم امور پر تفصیلی مشاورت کی گئی ۔یہ ملاقات منگل کے روز اڈیالہ جیل کے خصوصی کانفرنس روم میں کروائی گئی ۔بشری بی بی نے بانی چیئرمین سے دو گھنٹے تک ملاقات کی۔ملاقات میں عدالتوں سے سنائی گئی سزائوں کے خلاف زیر سماعت اپیلوں کے بارے میں بات چیت کے ساتھ ساتھ دیگر سیاسی امور پربھی مشاورت کی گئی۔بانی پی ٹی آئی سے پارٹی کے دیگر رہنمائوں بیرسٹر گوہر،شیر افضل مروت ،سلمان اکرم راجہ کے علاوہ انکی بہنوں اور عزیزوں نے بھی ملاقات کی تاہم ان کے وکیل و فوکل پرسن انتظار پنچوتھہ سمیت کچھ رہنماوں کو ملاقات کی اجازت نہیں دی گئی۔
بانی پی ٹی آئی سے اہلیہ بشری بی بی کی ملاقات، اہم امور پر تفصیلی مشاورت کی گئی
