اسلام آباد (نیشنل ٹائمز) پاکستان تحریک انصاف کے رہنما اور قومی اسمبلی میں قائد حزب اختلاف عمر ایوب نے کہا ہے کہ اسٹیبلشمنٹ سے متعلق بیان کسی کی ذاتی رائے ہوسکتی ہے، اسٹیبلشمنٹ سے مذاکرات کیلیے بنائی گئی 3 رکنی کمیٹی کا مجھے علم نہیں۔

پیر کے روز پارلیمنٹ ہائو س میں میڈیا سے گفتگو کرتے ہوئے عمر ایوب نے کہا کہ بانی پی ٹی آئی نے واضح پیغام دیا تھا کسی چیز پر کوئی سمجھوتا نہیں کرنا، آئین اور قانون کی بالا دستی کو یقینی بنانا ہے۔عمر ایوب نے کہا کہ اسحاق ڈار کو شہنشاہ ہند ڈکلیئر کردیں یا جو کر دیں، نائب وزیر اعظم کا عہدہ بنتا ہی نہیں۔اپوزیشن لیڈر نے کہا کہ چیف الیکشن کمشنر کینیڈا جانے کے چکروں میں ہیں، چیف الیکشن کمشنر فری اینڈ فیئر الیکشن کی ذمے داری نبھانے میں ناکام رہے۔