اسلام آباد (نیشنل ٹائمز )وفاقی وزیر داخلہ محسن نقوی نے کہا ہےکہ اسلام آباد میں تین چار منصوبوں کی نشاندہی کرلی گئی ہے ان پر کام کا جلد آغاز ہوگا، اسلام آباد پولیس کو بہتر بنانے کا فیصلہ کرلیا ہے، اسلام آباد پولیس میں اگلے 3 ماہ میں بہتری دیکھیں گے۔ اسلام آباد کے تھانوں کا بڑا برا حال ہے، اسلام آباد میں چینی شہریوں کی حفاظت کے لیے خصوصی اقدامات کر رہے ہیں۔
وزیر داخلہ سے سوال کیا گیا کہ کیا آپ بھارتی پاسپورٹ کے حامل سکھوں کو بھی آن ارائیول ویزہ دیں گے؟
محسن نقوی نے کہا کہ آزاد ویزہ پالیسی کا حامی ہوں، چاہتا ہوں سکھوں کے لیے پاکستان کے ویزے آسان کردیئے جائیں، خواہش ہے سکھوں کو آن آرائیوال ویزے کی سہولت دی جائے۔پہلے مرحلے میں دوسروں کو دیں گے، دوسرے مرحلے میں یہ بھی کر لیں گے۔