لاہور (نیشنل ٹائمز) محکمہ ایکسائز اینڈ ٹیکسیشن پنجاب نے پراپرٹی ٹیکس کی مد میں وصولیوں میں اضافے کے لئے نئی حکمت عملی تیار کر لی۔

بتایا گیا ہے کہ محکمہ ایکسائز اینڈ ٹیکسیشن پنجاب لاہور سمیت صوبے بھر میں واقع جائیدادوں پر رینٹل ویلیو کی بجائے کیپٹل ویلیو کے حساب سے ٹیکس عائد کرے گا جو کیپٹل ویلیو کا 0.07 فیصد ہو گا۔ واضح رہے کہ اس وقت شہر لاہور میں 5مرلے کے مکان پر پراپرٹی ٹیکس لاگو نہیں جبکہ نئی حکمت عملی کے بعد پانچ مرلہ کے مکان کے مالک کو بھی ٹیکس ادا کرنا پڑے گا۔ یہ بھی بتایا گیا ہے کہ ڈی جی ایکسائز نے تمام زونوں کے ڈائریکٹرز کو باقاعدہ سروے کرنے کا حکم جاری کر دیا ہے